Линктер

ЧУКУЛ КАБАР!
29-Май, 2024-жыл, шаршемби, Бишкек убактысы 12:19

Иркутскинин согушка тартылган тургундары Путинге кайрылды


"Люди Байкала" Телеграм каналына жарыяланган видеодон алынган сүрөт.
"Люди Байкала" Телеграм каналына жарыяланган видеодон алынган сүрөт.

Иркутск облусунан мобилизациялангандар Орусиянын президенти Владимир Путинге видео кайрылуу жолдоду. Анда «ДНРдин 1-славян бригадасы аларды өлүмгө айдап жатат, ал эми чабуулга баруудан баш тарткандарды автомат жана артиллерия менен аткылашууда» деп айтышкан. Видео кайрылуу “Люди Байкала” Телеграм-каналына жарыяланган.

Видеодогу аскерлер 1439-полктон экенин билдиришкен. Буга чейин ушул эле полктун экинчи батальону да ушундай кайрылуу жаздырышкан. Видеодогулар азыр ал батальон толугу менен жок кылынганын айтышты.

“Биздин кол башчыларыбыз бизге ачык эле өлүмгө айдаларыбызды айтышууда”, - деген жоокерлер. Алар аймакты коргоого тартылабыз деп келгенин, бирок анын ордуна чабуул коюучу бригадага киргенин айтышып, эч кандай артиллерия, байланыш, саперлор жана чалгынчыларсыз Авдеевск багытына чабуул коюуга мажбур болуп жатканын айтып чыгышты.

“Үйгө кайтып баруунун жалгыз жолу - жарадар болуу деп бизге командирлер ачык эле айтып жатат”, - деген жоокерлер командирлеринин аты-жөнүн билбей турганын, алардын жалгыз үмүтү президент экенин билдиришти.

Мобилизациялангандардын мындай кайрылуулары кадыресе көрүнүшкө айланган. 2023-жылдын февраль айынын башында бир жуманын ичинде эле Интернетке үч кайрылуу жарыяланган. Анда аскерлер эбегейсиз жоготуулар болуп жатканына, шарттын начар экенине жана командирлерден ур-токмок жеп жатканына даттанышкан.

Facebook шеринеси

XS
SM
MD
LG