Линктер

ЧУКУЛ КАБАР!
16-Июнь, 2024-жыл, жекшемби, Бишкек убактысы 02:02

Новосибирскиде газ жарылганда жаракат алган кыргызстандык аял каза болду


Газ жарылгандан кийинки учур. Новосибирск шаары. 9-февраль, 2023-жыл.
Газ жарылгандан кийинки учур. Новосибирск шаары. 9-февраль, 2023-жыл.

Орусиянын Новосибирск шаарында 9-февралдагы газдын жарылуусунан жаракат алган кыргызстандык аял набыт болду. Бул тууралуу Кыргызстандын Тышкы иштер министрлигинин басма сөз кызматы 26-февралда кабарлады.

Маалыматка ылайык, газ жарылган учурда анын омурткасы сынган. Ага Новосибирскидеги Травматология жана ортопедия борборунда операция жасалган. 21-февралда Бердск шаарындагы реабилитациялык борборго которулган. 24-февраль күнү ал Бердск шаардык ооруканасынын жандандыруу бөлүмүнө түшүп, көп өтпөй каза болгон.

Маркумдун сөөгүн жакындары Ош шаарына алып кетишти.

9-февралда беш кабаттуу үйлөрдүн биринде газ жарылып, үйдүн эки подьезди кыйраган. 15 адам набыт болуп, 30 батир жабыркаган.(ZKo)

Facebook шеринеси

XS
SM
MD
LG