Өзгөчө кырдаалдар министрлиги (ӨКМ) билдиргендей, Бишкек-Ош жолунун айрым тилкелеринде 16-21-марттын аралыгында кар көчкүнү атайылап атып түшүрүү иштери жүргүзүлөт. Автоунаа кыймылына убактылуу чектөө киргизилет.
Кар көчкү мажбурлап түшүрүлө турган тилкелер:
- Бишкек-Ош жолунун 132-135-чакырымы (Чүй облусунун Жайыл району – "Төө-Ашуу");
- 198-чакырымы (Чүй облусунун Жайыл району);
- 209-255-чакырымы (Жалал-Абад облусунун Токтогул району – "Ала-Бел" ашуусу).
ӨКМ жолдогу чектөөлөргө байланыштуу айдоочуларга кайрылып, абалды түшүнүү менен кабыл алууга чакырды.
Кырсык катталган учурда жана жолдогу абал боюнча "112" бирдиктүү номуруна чалууга болот.
Кыргызгидромет борбору 19-мартка чейин аба ырайынын кескин өзгөрүшүнө байланыштуу Кыргызстандын тоолуу райондорунда, Бишкек-Ош автоунаа жолундагы ашууларда кар көчкү түшүүcү жана кар күрткүсү күтүлөрүн билдирген. (КЕ)
