Линктер

ЧУКУЛ КАБАР!
19-Май, 2024-жыл, жекшемби, Бишкек убактысы 02:26

Орусия аннексиялаган Крымдагы Жанкой шаарында жарылуулар болду


20-мартта кечке жуук Орусия аннексиялап алган Крымдын аймагындагы Жанкой шаарында жарылуулар болду. Жергиликтүү жашоочуларга аткылоонун добушун угулганын “Радио Свобода” жазды.

Крымдын Орусия дайындаган жетекчиси Сергей Аксёнов бир киши жараат алганын билдирди. Алдын ала маалымат боюнча эки имарат – турак жай жана дүкөнгө зыян келтирилген.

Жарылуу болжол менен Крымга барчу темир жолдо болгон. Бул жолду Орусия аскердик техникаларды жана ок-дарыларды жеткирүү үчүн колдонуп келген.

Жергиликтүү Телеграм-каналдар бул чабуул учкучсуз аппарат менен жасалышы мүмкүн экенин жазышууда.

Аксёновдун айтымында, ошол маалда Жанкойдун аймагында абадан коргонуу системасы иштеген.

Шаар администрациясынын башчысы Игорь Ивин шаарга учкучсуз аппараттар менен сокку урулганын, эки көчөдө дрондун калдыктары табылганын ырастады.

Украинанын чалгын башкармалыгынын башчысы Жанкойдо темир жол менен ташылып келе жаткан орусиялык “Калибр НК” канаттуу ракеталары жок кылынганын билдирди.

Facebook шеринеси

XS
SM
MD
LG