Линктер

ЧУКУЛ КАБАР!
28-Февраль, 2024-жыл, шаршемби, Бишкек убактысы 15:04

Украина Орусияга чыгарылып кеткен 31 баланы кайтарды


Украинадагы кризисти чагылдырган сүрөт
Украинадагы кризисти чагылдырган сүрөт

Украина Херсон жана Харьков облустарынан Орусиянын аймагына чыгарылып кеткен 31 баланы кайтарып алды. Бул тууралуу Save Ukraine кайрымдуулук фонду билдирди.

“Орусиялыктар Херсон жана Харьков облустарынан уурдап кеткен балдар чек арадан өтүштү. Азыр алар коопсуз жайда. Бир нече айдан кийин алар кайра өз үй-бүлөлөрүнө кайтып келишет”, - деп жазды фонддун жетекчиси Николай Кулеба фейсбук баракчасына.

Бул аталган фонддун бешинчи куткаруу миссиясы.

“Ар бир кайтарылган бала алардын [орустардын] кылмыштарынын айныгыс далили болуп жатканын түшүнүп турат”, - деди Кулеба РБК-Украина басылмасына сүйлөп жатып.

17-мартта Гаагадагы Эл аралык кылмыш соту орус президенти Владимир Путинди жана Мария Львова-Белованы камоо ордерин чыгарган. Алар оккупацияланган украин аймактарынан балдарды Орусияга мыйзамсыз депортациялоого жооптуу деп айыпталган. Мындай аракет согуш кылмышы болуп эсептелет.

Орусия 2016-жылдан бери Рим статутуна кошулбагандыктан, Гаага сотунун юрисдикциясын тааныбайт. Өз дарегине айтылган айыптоону чекте кагып, Эл аралык кылмыш сотунун судьяларына кылмыш ишин козгогон.

Facebook шеринеси

XS
SM
MD
LG