Линктер

ЧУКУЛ КАБАР!
13-Июнь, 2024-жыл, бейшемби, Бишкек убактысы 01:45

Судандагы кагылышта 100гө жакын адам каза тапты


Суданда 16-апрелде тартылган сүрөт.
Суданда 16-апрелде тартылган сүрөт.

Суданда армия менен “Ыкчам колдоо күчтөрү" тобунун ортосундагы куралдуу кармаш үчүнчү күн катары менен уланууда. Кагылышууда 100дөй адам өлүп, миңден ашууну жараат алганын BBC радиосу 17-апрелде кабарлады. Reuters агенттиги 83 киши каза болгонун жазды.

Судандагы куралдуу кармаштан Бириккен Улуттар Уюмуна караштуу Дүйнөлүк азык-түлүк программасынын үч кызматкери каза таап, экөө жараат алды.
Мындан улам Дүйнөлүк азык-түлүк программасы Судандагы гуманитардык ишин убактылуу токтотуп жатканын, уюмдун Хартумдагы учагына да зыян келгенин "Ассошиейтед пресс" жазды.

Судандын Хартум баштаган бир катар шаарларында армиянын кол башчысы, генерал Абдел Фаттах Аль-Бурхандын аскерлери менен Мохаммед Хамдан Дагало жетектеген “Ыкчам колдоо күчтөрү" тобунун ортосунда куралдуу кагылышуу болууда. Соңку кармаштарга кезинде бири-бирин өнөктөш санаган эки генералдын бийлик үчүн күрөшү себеп болду.

Аль-Бурхан менен Дагало 2021-жылдын октябрь айында Судандагы аскердик төңкөрүштү чогуу уюштуруп, өлкөдө демократиялык башкарууга өтүү аракети үзгүлтүккө учураган.

Жекшемби күнү алар жарадарларды жана жайкын тургундарды эвакуациялоо үчүн кыска мөөнөттө ок атышпоону макулдашкан.

Facebook шеринеси

XS
SM
MD
LG