Линктер

ЧУКУЛ КАБАР!
22-Июль, 2024-жыл, дүйшөмбү, Бишкек убактысы 05:34

АКШ менен Түштүк Корея Пхеньяндын өзөктүк коркунучуна каршы турууну макулдашты


26-апрелдеги жолугушуу. Вашингтон.
26-апрелдеги жолугушуу. Вашингтон.

АКШнын президенти Жо Байден Түштүк Кореянын президенти Юн Сук Ёл менен кызматташуунун келечегин жана Түндүк Кореянын өзөктүк коркунучуна каршы туруу маселесин талкуулады.

Алар 26-апрелде Вашингтондо жолугушту. Акыркы кездери Түндүк Корея жаңы куралдарды, анын ичинде өзөктүк куралды сыноону көбөйткөнүнө тынчсыздануусун билдиришти. АКШ менен Түштүк Корея бул маселе боюнча биргелешкен иш планын иштеп чыкканы тууралуу сөз болду.

АКШ Сеулга колдоо көрсөтүүнү уланта турганын билдирди. Түштүк Кореянын жээктерин коргоого акыркы 40 жылдын ичинде биринчи жолу америкалык өндүрүштөгү суу астындагы кемелер, анын ичинде өзөктүк ракета ташыган кемелер тартылат. Бирок АКШ Түштүк Кореяга өзөктүк дүрмөттөрдү орнотпойт.

Эки өлкө биргелешкен аскердик машыгууларды өткөрүп, стратегиялык маалыматтар менен бөлүшөт. Юн Сук Ёл Түндүк Корея Түштүк Кореяга өзөктүк чабуул жасаган учурда Вашингтон "альянстын бардык күчү, анын ичинде АКШнын өзөктүк куралы менен дароо жана чечкиндүү жооп кайтарарын" айтты.

"Түндүк Кореянын айланасындагы чыңалууну дипломатиялык жол менен координациялоо аракеттерин улантабыз", - деди Байден.

Мындан тышкары, тараптар экономикалык жана соода тармагында кызматташууну кеңейтүүнү макулдашышты. Тагыраагы, жаңы технологияларды - электромобилдерди, микрочиптерди жана аккумуляторлорду чыгаруу жаатында кызматташуу болот.

Түштүк Кореянын өзүнүн өзөктүк программасы жок. АКШ менен Түштүк Корея 70 жыл мурун Корей согушу аяктагандан кийин союздаш болгон. Учурда Түштүк Кореяда 28 500 америкалык аскер бар.

Facebook шеринеси

XS
SM
MD
LG