Кыргызстан басма сөз эркиндигинин дүйнөлүк индексинде 50 орунга ылдыйлап, 122-сапка түштү. Ал тапта Бишкекте эркин медиага басым, “Азаттык” радиосунун ишине байланыштуу талкуу өттү. Жогорку Кеңеш акыйкатчы Атыр Абдрахматованы мөөнөтүнөн мурда кызматтан бошотту. Өлкөдө адам укугунун сакталышы, сөз эркиндиги боюнча пикирин ачык айтып келаткан омбудсмен бир жыл мурун эле шайланган. Орусия Украинанын башкалаасы Киевге Иранда өндүрүлгөн “Шахед” (Shahed) дрондору менен чабуул койду. Ал эми Херсон шаарындагы жалгыз супер-маркетке урулган соккудан кеминде 3 киши набыт болду.