Түркиянын Борбордук шайлоо комиссиясынын маалыматына караганда, санала элек дагы 27 үкөк калды. Президенттик шайлоонун баштапкы жыйынтыгы тууралуу комиссиянын төрагасы Ахмет Йенер дүйшөмбү күнү буларды билдирди:
"Чет өлкөдөн келген 8065 үкөк ачылды, ал эми 1529у ачыла элек. Саат 09.45ке карата Эрдоган 49.40%, Кылычдароглу 44.96%, Синан оган 5.2%, Мухаррем Инже 0.44% добушка ээ болду",- деди Йенер.
Мамлекеттик "Анадолу" агенттиги добуштардын 99.38% саналып бүткөнүн, Режеп Тайып Эрдоган алдыга чыкканын жазды.
Алдыга чыккан эки талапкер тең шайлоочулардын 50% көбүнүн добушун ала албаса, анда 28-майда экинчи айлампа өтөт.
Буга чейин талапкерлер шайлоочуларга кайрылып, шайлоо экинчи айлампага калганын билдиришкен. Боршайком бул тууралуу расмий маалымат бериле элек.
Facebook шеринеси