Ошто үч окуучу жол кырсыгынан каза болду. Бул тууралуу "Азаттыкка" шаардык милициядан билдиришти.
Мекеменин маалыматына караганда, кырсык 2-июнга караган түнү Озгур айылында болгон. Кара-Суу районунун тургуну атасына таандык болгон «Хонда-Фит» үлгүсүндөгү автомашинаны уруксатыз үйдөн айдап чыккан. Озгур айылынын Тотоев көчөсү аркылуу бара жатып, жол бойлой шар аккан каналга түшүп кеткен.
Каза болгондордун экөө 9-класстын, айдоочу бүтүрүүчү класстын окуучусу экени аныкталды.
Кыргызстанда былтыр бир жыл ичинде 7 миңдей жол кырсыгы катталып, 600дөн ашуун өмүр кыйылган. (DSh)
Facebook шеринеси