Линктер

ЧУКУЛ КАБАР!
17-Июнь, 2024-жыл, дүйшөмбү, Бишкек убактысы 23:32

Видеосу интернетке тараган мамлекеттик нотариуска чара көрүлмөй болду


Иллюстрациялык сүрөт.
Иллюстрациялык сүрөт.

Видеосу интернетте тарап жаткан мамлекеттик нотариуска чара көрүлөрүн бүгүн 7-июлда “Азаттык” радиосуна Юстиция министрлигинен билдиришти. Мекеменин басма сөз кызматынын маалыматына караганда, ага катуу сөгүш жарыялоо боюнча буйрук даярдалууда.

“Видео тасмада чагылдырылган фактылар аныкталып, Жалал-Абад облусундагы юстиция башкармалыгынын Тартип комиссиясына киргизилген. Жагдайлар текшерилип, жыйынтыгында Ала-Бука районунун мамлекеттик нотариусуна каттуу сөгүш берүү жөнүндө тиешелүү буйрук даярдалып жатат”, - деп айтылат министрликтин маалыматында.

“Ала-Бука районунда мамлекеттик нотариустун башчысы мас абалында жумушта отурат” деген видео эки күн мурда социалдык түйүндөрдө тараган.

Нотариалдык кызматты калкка мамлекеттик жана жеке нотариустар көрсөтөт.

Жеке кызматкерлер тил кат, ишеним кат саяктуу документтерди бекитип беришет.

Ал эми мамлекеттик нотариустар Юстиция министрлигине баш ийет, алар мамлекет бөлүп берген имаратта отурушат жана үй, жер сыяктуу кыймылсыз мүлктү каттоого алууда, мураска өткөрүп берүүдө негизги ролду ойногон расмий документтерди катташат, андай документтердин түп нускасы менен иштешет, сакташат жана жооп беришет. (RK)

Facebook шеринеси

XS
SM
MD
LG