Линктер

ЧУКУЛ КАБАР!
21-Июль, 2024-жыл, жекшемби, Бишкек убактысы 11:11

Николаевдеги жана аннексияланган Крымдагы соккуларда адам өмүрү кыйылды


Николаев шаарында талкаланган үй. 20-июль, 2023-жыл.
Николаев шаарында талкаланган үй. 20-июль, 2023-жыл.

Орусиялык күчтөр 20-июлга караган түнү Украинанын Николаев облусунун борборуна урган соккудан адам өмүрү кыйылганын аймактык админстрациянын башчысы Виталий Ким билдирди. Бирок канча адам набыт кеткени тууралуу айткан жок. Расмий маалыматта 18 киши жараат алганы кабарланган.

Жараат алгандардын арасында беш бала бар, бирөө ымыркай, дагы бири үч жашар наристе. Николаев шаарынын мэри көп кабаттуу беш үй зыян тартканын маалымдады.

Ал эми Одессага жасалган дрон чабуулунда админстративдик имарат, кампа зыян тартып, төрт киши жарадар болду.

Киев Орусия Украинанын түштүгүнө катары менен үчүнчү ирет аба соккуларын жасап, портторду жана дан сактоочу жайларды, ошондой эле жарандык инфраструктураны бутага алып жатканын билдирүүдө. Москва буга комментарий бере элек.

20-июлга караган түнү аннексияланган Крымга украин күчтөрү дрондор менен чабуул койгонун, андан бир секелек каза тапканын аймактын Орусия дайындаган жетекчиси Сергей Аксёнов билдирди. Ал төрт админстративдик имарат зыян тартканын Телеграмга жазды.

Согуш маалындагы маалыматтарды бейтарап булактардан дароо тактоо мүмкүн эмес.

Facebook шеринеси

XS
SM
MD
LG