Энергетика тармагына август айынан тарта баштала турган өзгөчө кырдаал режиминин жөнөкөй жарандарга тиешеси жок. Министрлик 3 жылдык мындай режим жаңы станциялардын курулушун тездетүү максатында киргизилип жатканын айтууда. Орусия Одессаны төртүнчү түнү катары менен аткылады. Бул жолу айыл-чарба ишканаларына, дан сакталган кампаларга чабуул коюлуп, 120 тонна буудай менен арпа өрттөнүп кетти. Индияда жүздөй адам жер көчкү алдында калды. Куткаруу иштерине калың туман жана нөшөрлөгөн жаан тоскоол болуп, оор техниканын жоктугу абалды кыйындатууда.