Линктер

ЧУКУЛ КАБАР!
16-Июнь, 2024-жыл, жекшемби, Бишкек убактысы 03:42

Запорожьеге урулган соккудан бир киши каза болуп, 11 адам жараат алды


Запорожье. 9-август, 2023.
Запорожье. 9-август, 2023.

Орус армиясы бейшембиде Украинанын Запорожье облусуна ракеталык сокку урду. Бир катар көп кабаттуу имараттар, медициналык жана билим берүү мекемелеринин имараттары зыян тартты.

Жергиликтүү бийлик өкүлдөрү бир киши каза болуп, 11 жаран жараат алганын кабарлашты. Жабыркагандардан бирөө оор абалда.

Запорожье облустук администрациясынын башчысы сокку урулган аймакта аскердик багыттагы эч кандай имарат жок экенин белгиледи.

Жараат алгандар боюнча маалыматты Украинанын президенти Владимир Зеленский да ырастады.

“Шаар күн сайын оккупанттардын аткылоосуна кабылууда. Орусиялык ракета сокку урган жарандык имарат өрттөнүп жатат. Учурда бир киши каза болгону аныкталды. Көңүл айтам. Жараат алгандар бар”, - деп жазды ал.

Аймактын администрациясынын Орусия дайындаган башкы кеңештин мүчөсү Владимир Рогов украин аскерлери жайгашкан мейманкана комплекси аткыланганын билдирди.

Орусия Украинанын аймагына күн сайын ок жаадырууда. Бул өлкөнүн Коргоо министрлиги жарандык объектилерге сокку урганына комментарий берген эмес.

Facebook шеринеси

XS
SM
MD
LG