Линктер

ЧУКУЛ КАБАР!
14-Июнь, 2024-жыл, жума, Бишкек убактысы 16:07

Кыргыз-казак Чек ара кызматтарынын өкүлдөрү “Ак-Тилектеги” кырдаалды талкуулады


“Ак-Тилек” өткөрмө бекетинде кезекте турган жүк ташуучу автоунаалар. 22-август, 2023-жыл.
“Ак-Тилек” өткөрмө бекетинде кезекте турган жүк ташуучу автоунаалар. 22-август, 2023-жыл.

Кыргыз-казак чек арасындагы “Ак-Тилек” өткөрмө бекетиндеги жүк ташуучу автоунаалардын узун кезегине байланыштуу эки өлкөнүн Чек ара кызматтарынын өкүлдөрү жолугушту. Бул тууралуу 22-августта Кыргызстандын Чек ара кызматынын Чек ара көзөмөлдөө башкы башкармалыгынын башчысы Нурланбек Жалбиев блдирди.

“Айрым өткөрмө бекеттерде казакстандык кесиптештер менен жолугушуу өткөрдүк. Алар Казакстан тарапта эч кандай чектөө жок экенин, кадимки тартипте иштеп жатканын билдиришти. Биз иш жай болуп аткандыктан, Кыргызстан тарапта жүк ташуучу автоунаалардын кезеги пайда болгонун айттык”.

Нурланбек Жалбиевдин маалыматына ылайык, Казакстан буга чейин “Ак-Тилек” өткөрмө бекетинен бир саатта 14-15 машине өткөрсө, азыр 4-5 сатта бирден автоунааны өткөрүп жатат.

Бекетте жүк ташуучу автоунаалардын кезеги 20-августтан баштап көбөйө баштаган. 22-августта Кыргызстандан Казакстанга өтө албай турган машинелердин саны 500гө чукулдады.

Кыргыз-казак чек ара бекеттеринде утур-утур жүк ташуучу автоунаалардын узун кезеги пайда болуп турат. (BTo/MKt)

Facebook шеринеси

XS
SM
MD
LG