Линктер

ЧУКУЛ КАБАР!
22-Июнь, 2024-жыл, ишемби, Бишкек убактысы 15:22

Ооганстанда YouTube жылдызынын өлүмүнө шек саналгандар кармалды


Кабулда өлтүрүлгөн YouTube жылдызы Хора Садат.
Кабулда өлтүрүлгөн YouTube жылдызы Хора Садат.

Ооганстандын башында турган талибдердин өкмөтү 24-августта билдиргендей, YouTube аркылуу белгилүү болгон блогер аял Хора Садаттын өлүмүнө шектелген эки адам кармалды. Окуя баш калаа Кабулда 21-августта болгон.

Хора Садат Ютубда социалдык темаларды чагылдырган видеолорду жайгаштырып келген. Анын каналына 300 миңден көп киши катталган.

Ооганстанды талибдер басып алган 2021-жылдын август айынан бери аялдарга карата зордук-зомбулук күч алды. Ошондой эле журналисттерди камоо жана өлтүрүү фактылары көбөйдү.

Соңку айларда эле өлкөнүн ар кайсы аймактарында бир нече журналист камалган.

Ондогон медиа каражаттары чектөөлөрдөн жана каржынын жоктугунан жабылууга аргасыз болушту.

Талибдердин куугунтугунан улам жүздөгөн журналисттер өлкөдөн чыгып кетишти.

Facebook шеринеси

XS
SM
MD
LG