Линктер

ЧУКУЛ КАБАР!
17-Июнь, 2024-жыл, дүйшөмбү, Бишкек убактысы 10:10

"Медуза": Кремль шайлоодогу Путиндин ыктымал атаандаштарын аныктады


Орусиянын президенти Владимир Путин Москвадагы маалымат жыйында. 19-декабрь, 2013-жыл.
Орусиянын президенти Владимир Путин Москвадагы маалымат жыйында. 19-декабрь, 2013-жыл.

Кремль 2024-жылдагы президенттик шайлоодо Владимир Путиндин "атаандаштары" кимдер болорун аныктады. Мында биринчи кезекте ыктымал талапкерлердин жаш курагына көңүл бурулган. Бул тууралуу "Медуза" басылмасы президенттик администрацияга жакын булактарына таянып жазды.

Маалыматка караганда, талапкерлердин жаш курагы элүүгө чейин болсо, орусиялыктар 70 жаштагы Путин менен салыштырып, ойлорун кескин өзгөртүшү мүмкүн.

Кремль Путинден башка КПРФ, ЛДПР жана "Жаңы адамдар" партиясынан үч талапкер ат салышарын боолгоп жатат. Бийлик коммунистердин атынан Геннадий Зюгановду, либерал-демократтардан Леонид Слуцкийди, ал эми "Жаңы адамдардан" ишкер Алексей Нечаевди талапкер катары көрөт.

Орусияда президенттик шайлоо 2024-жылдын 17-мартында өтөрү күтүлүп жатат.

Владимир Путин бешинчи мөөнөткө ат салышуу ниетин расмий жарыялай элек.

Facebook шеринеси

XS
SM
MD
LG