Линктер

ЧУКУЛ КАБАР!
24-Июнь, 2024-жыл, дүйшөмбү, Бишкек убактысы 06:16

АКШ Украинага дагы 250 миллион долларлык аскердик жардам жөнөтөт


Украинадагы согуш тилкесинде колдонулуп жаткан HIMARS комплекси. 5-ноябрь, 2022-жыл.
Украинадагы согуш тилкесинде колдонулуп жаткан HIMARS комплекси. 5-ноябрь, 2022-жыл.

Кошмо Штаттары 29-августта Украинага аскердик жардамдын кезектеги топтому жөнөтүлөрүн билдирди. Тизмеде абадан коргоо системасына керектүү AIM-9M үлгүсүндөгү ракеталар, HIMARS комплексинин ок-дарылары, минаны зыянсыздандырган жабдуулар бар.

Voice of America сайты кезектеги аскердик жардам Пентагондун запастарынан бөлүнгөнүн жазды.

АКШнын мамлекеттик катчысы Энтони Блинкендин билдирүүсүндө Вашингтон Киевге Орусиянын чабуулунун мизин кайтарууга жардамды уланта берери жазылган.

"Бул согушту Орусия баштады жана каалаган учурда Украинадан аскерлерин алып кетип, ырайымсыз чабуулун токтото алат. Ага чейин Кошмо Штаттары жана биздин өнөктөштөр канча зарыл болсо ошонча убакыт Украина менен бирге болот",-деп белгиленген билдирүүдө.

Эки апта мурун Пентагон Украинага 200 миллион долларга бааланган аскердик жардам берилерин билдирген.

Соңку жардам 2021-жылдын август айынан бери АКШ Украинага жөнөткөн аскердик жардамдын 45-пакети болуп калмакчы. Буга чейин Вашингтон Украинага 43 миллиард доллардык жардам көрсөткөн.

Орусия 2022-жылдын 24-февралында Украинага басып кирген. Учурда украин армиясы менен орус күчтөрүнүн салгылашуулары негизинен өлкөнүн чыгыш жана түштүк тараптарында уланууда.

Facebook шеринеси

XS
SM
MD
LG