Борбор калаа башчысы Айбек Жунушалиевдин буйругуна ылайык, Свердлов районунун акими болуп Алтынбек Кутманов дайындалды. Маалыматты мэриянын басма сөз кызматы бүгүн, 24-ноябрда таратты.
Ага ылайык, райондун акими президент Садыр Жапаровдун "Президенттик администрациядагы саясий кызматтагы мамлекеттик кызматкерлердин ротациялоо" тууралуу буйругунун негизинде алмаштырылды.
Алтынбек Кутманов буга чейин президенттик администрацияда иштеген.
Райондун мурдагы акими Максатбек Саргазаков - Мамлекеттик кызмат иштери жана жергиликтүү өз алдынча башкаруу агенттигинин жетекчисинин орун басары болуп дайындалды. Бул тууралуу жарлыкка министрлер кабинетинин төрагасы Акылбек Жапаров кол койду.(ZKo)
Facebook шеринеси