Европа реконструкциялоо жана өнүктүрүү банкы (ЕРӨБ) Кыргызстанга 70,43 млн евро бөлөт.
Тиешелүү документке Министрлер кабинетинин төрагасы Акылбек Жапаров 28-ноябрда Лондондо сөз болуп жаткан банктын президенти Одиль Рено-Бассо менен жолугушканда кол койгонун өкмөттүн басма сөз кызматы билдирди.
Европа реконструкциялоо жана өнүктүрүү банкы бере турган акчанын 47,3 млн евросу Ысык-Көл айланма жолун реконструкциялоого (Балбай баатыр айылынан – Каракол шаарына чейин), 14,63 млн евросу Кыргызстанда электр тармагын санариптештирүүгө, 8,5 млн евросу Базар-Коргон шаарын суу менен камсыздоо тутумдарын оңдоого жумшалат.
2021-жылы ЕРӨБ Кыргызстан эгемендик алгандан бери грант жана насыя катары бир миллиард доллардан ашык каражат бергенин билдирген. (BTo)
Facebook шеринеси