Президенттин Ош облусундагы өкүлчүлүгү аймактык реформанын долбоорун даярдады. Анда Ош шаарын кеңейип, ага Кара-Суу районунун Төлөйкөн менен Кызыл-Кыштак айыл өкмөттөрүн кошуу каралган. Буга каршы чыккандар дагы, колдогондор дагы бар. Долбоодо жалпысынан Ошто 30дан ашык айыл өкмөттү кыскартуу сунушталып жатат.  Президент Садыр Жапаров экинчи элдик курултайда аймактык реформа тууралуу комментарий берип, айрым сунуш бергендерди сынга алган жана ириде мамлекеттин кызыкчылыгынан улам жүргүзүлөрүн эскерткен.