Орусияда 72 жаштагы Владимир Путин бешинчи ирет президенттик шайлоого катышууда. Киев жана Батыш мамлекеттери Орусия Украинанын убактылуу басып алган аймактарында добуш берүү өткөрүп жатканын кескин айыптады. Атайын кызмат абактагы саясатчы Равшан Жээнбековдун Таластагы Киров суу сактагычынын жээгиндеги эс алуу зонасы мамлекетке өткөнүн билдирди. Жээнбеков комментарий бере элек. Кыргызстанды газдаштыруу 40% жетти. Бирок ондогон айылдарга дале көгүлтүр отун жетпеген бойдон калууда. Казакстанда төрт жашар Айкөркөмдүн өлүмү боюнча апелляциялык арыз карала баштады.