Бишкек менен Чүйдө катуу шамалдан 26 киши жабыркап, эки адамдын жамбашы сынып, калгандары башынан жаракат алды. Тажикстанда Москвадагы терактка айыпталып камалгандар менен байланышы бар деп шектелген тогуз киши кармалганы кабарланды. Сот “Темиров LIVE” редакциясынын журналисти Айке Бейшекееваны камакта калтырды. Бир катар эл аралык жана жергиликтүү уюмдар ишмердүүлүгү үчүн камалган 11 журналистти эркиндикке чыгарууну талап кылууда.