Линктер

ЧУКУЛ КАБАР!
21-Июнь, 2024-жыл, жума, Бишкек убактысы 11:42

Венгриялык түрколог Иштван Коңур Мандоки тууралуу китеп жарык көрдү


Венгриялык түрколог Иштван Коңур Мандоки тууралуу китеп. Бишкек. Май, 2024-жыл.
Венгриялык түрколог Иштван Коңур Мандоки тууралуу китеп. Бишкек. Май, 2024-жыл.

“Алыкул үй борбору” коомдук бирикмеси Венгриянын Кыргызстандагы элчилиги менен биргеликте кыргыз тилинде “Коңурдун коңгуроосу” аталышындагы китеп чыгарды.
Эмгек кыпчак тектүү мажар илимпозу, түрколог Иштван Коңур Мандокиге (1944-1992) арналган.

Жыйнакта кичинесинен эле ата-тегинин, эне тилинин тарыхына кызыгуудан улам мажар-кыпчак жана Евразия чөлкөмүндөгү тектеш түрк элдеринин, анын ичинде кыргыз-кыпчак тутумунун да көрүнүктүү окумуштуусуна айланган Мадокинин көпкө умтулган тилеги, бирок анын далайына жетпей калган өрнөктүү да, өкүнүчтүү да өмүрү баяндалган.

Басылма окурмандардын бардык катмарына арналган.

Китептин бет ачары 28-майда Венгриянын Кыргызстандагы элчилигинин имаратында өтүп, ага элчиликтин кызматкерлери, кыргыз акын-жазуучулары жана коомдук ишмерлери катышты.

Венгриянын Кыргызстандагы элчилиги мындан сырткары 2021-жылдан бери кыргыз тилинде жазуучу Чыңгыз Айтматовго арнап “Айтматовго Мажарстандын урмат-сыйы”, мажар окумуштуулары Иштван Шанта менен Давид Каранын кыргыз өлкөсүнө арнап жазган “Азиянын жүрөгүнөн келген каттар жана сүрөттөр” китебин, мажар акыны Шандор Петөөфинин “Азаттык жана махабат” аттуу поэтикалык ктептерин чыгарган. (MZh)

Facebook шеринеси

XS
SM
MD
LG