Ошто эки жыл катарынан мугалимдердин сынактарында батир утуп алган Илгиз Шамырзаев али күнчө байгесин ала электигин айтып чыкты. Ал мурдагыдай эле батирлеп көчүп-конуп жүргөнүн, уюштуруучуларга нааразы экенин билдирди. Сынактын бирин Ош мэриясы өткөргөн. Адатта шаан-шөкөт менен  өтүп, мугалимдик кесиптин кадырын арттыруу, жаш агартуучуларды шыктандырууга багытталган мындай сынактарда демөөрчүлөр баш байгеге автоунаа, айрым учурда батир койгон учурлар болгон.