Украинада Орусиянын чабуулдарынан кеминде алты адам набыт болду. Ал тапта АКШнын шайланган президенти Дональд Трамп Орусиянын президенти Владимир Путин менен телефондон сүйлөшүп, Украинадагы согушту талкуулаганы кабарланды. Кремл аны четке какты. Президент Садыр Жапаров абакта жаткан активист Мелис Аспеков менен чет өлкөгө күч менен чыгарылган журналист Болот Темировдун билдирүүлөрүн “жалаа жабуу” деп баалады. ИИМ мас айдоочуларды эки жылдан төрт жылга чейин айдоочулук күбөлүгүнөн ажыратып, машинесин убактылуу мамлекетке алууну сунуштады.