УКМКнын төрагасы Камчыбек Ташиев өзүн жана үй-бүлөсүн коркуткан кат алганы тууралуу маалымат талкуу жаратты. Анын чоо-жайын күч түзүмдөрүнөн турган тергөө тобу иликтей баштады. Ноокатта жетекчисинин үстүнөн арызданган милиционер кызматтан алынды. Райондук милициянын жетекчиси, анын орун басарлары, кадр кызматынын адистери кызматынан төмөндөтүлдү. Ош облустук милициясынын алты кызматкери сөгүш алды. Украинада орус армиясы континенттер аралык ракеталар менен чабуул жасаганы маалымдалды. Анын алдында украин куралдуу күчтөрү Орусиядагы аскердик жайларды Британия берген Storm Shadow жана америкалык ATACMS ракеталары менен атканы кабарланган.