Орусиянын ядролук куралдан коргонуу аскерлеринин командачысы Игорь Кириллов Москвадагы жардыруудан каза болду. Мунун алдында генерал украин армиясына каршы химиялык курал колдонуу үчүн айыпталганы маалым болгон. УКМКнын төрагасы Камчыбек Ташиев Акылбек Жапаровдун кызматтан кетиши, Матраимовдун иши жана президенттик шайлоо туурасында суроолорго жооп берди. Ал соңку төрт жылда жемкорлук менен күрөштөн 168 млрд сомдон ашык каражат кайтарылганын билдирди. Камактагы ишкер Имамидин Ташов өз өмүрүнө дагы кол салып, дарыгерлерге көрсөтүлгөн соң сотко жеткирилди. Бул арада анын абактагы жактоочусу Самат Матцаковдун адвокаттарынын арызы карала баштады.