5-январь күнү Лейлек районунун Тажикстан менен чек аралаш Арка-2 айылында белгисиз зат жарылып, эки адам жараат алды. Расмий органдардын маалыматы боюнча 32 жаштагы келин 11 жаштагы кызы менен короосундагы эски темир-тезекти жыйнап жактанда жарылуу болгон. Алдын ала маалымат боюнча жарылган зат аскердик снаряд болушу мүмкүн. Укук коргоо кызматтары териштирүүнү баштап, учурда Тажикстан тарапка да маалымат берилди.