Иранда кыздар мектебине жасалган чабуулдан набыт болгондор жерге берилди. Тегеран бул үчүн АКШ менен Израилди күнөөлөсө, Вашингтон америкалык аскерлер атайылап окуу жайга сокку урбай турганын билдирди. Жаза аткаруу кызматынын жетекчилигинин тапшырмасы менен абактагы акын Аскат Жетиген айып изоляторунан чыкты. Ал мунун алдында түрмөдө кыйноого кабылганын билдирген. Жол эрежесин одоно бузган айдоочулардан экзамен алып, өтпөй калгандарды кайра сынакка жөнөтүү сунушу сынга кабылды. Айрым депутаттар бул жол тескөөчүлөр арасында коррупцияны гүлдөтөт деп эсептейт.