"Орусиядан башка өлкөлөрдү карайбыз". Тигүү тармагына түшкөн түйшүк

Кыргыз экономикасынын негизги түркүктөрүнүн бири саналган тигүү тармагы кризиске кептелди. Тигүү тармагы аркылуу калктын чоң бөлүгү тиричилик кылчу. Мурда кыргызстандык тигүүчүлөр Орусияга товарларын жөнөтүүдө тоскоолдукка кабылса, быйыл “Вайлдберрис” маркетплейсинин Орусиядагы кампаларына украин армиясы бир ай бою маал-маалы менен дрондон чабуул койгондон кийин кыргыз ишкерлери чоң чыгымга кириптер болду. Тигүү тармагы кантип талкаланып, чоң базарлардан сүрүлүп калды? “Азаттык” өлкөдө өнүккөн делген жеңил өнөр жай тармагынын азыркы абалынан кабар алды.