Кыргызстандык балбан Юхан Догдурбек уулу АКШнын Лас-Вегас шаарында өтүп жаткан 23 жашка чейинки спортчулар арасындагы эркин күрөш боюнча дүйнө чемпионатынын күмүш медалын алды.
Ал 61 кг чейинки салмак ченинде күч сынашып, чейрек финалда кытайлык Бая Жилиангды 5:4 эсебинде жеңген. Жарым финалдык беттеште армениялык Саркис Бегоян менен килемге чыгып, атаандашын 10:8 эсебинде утуп, финалда АКШнын спортчусу Бенжамин Адам Давиного 4:1 эсебинде утулуп калды.
Жыйынтыгында ал күрөш боюнча U-23 дүйнө чемпионатынын күмүш медалын алды.
Буга чейин грек-рим күрөшү боюнча Эрлан Марс уулу (82 кг чейинки салмакта) жана Кубаныч Арынов (60 кг чейинки салмакта) 23 жашка чейинки балбандар арасындагы дүйнө чемпионатында коло медал тагынган. (BTo)
Дагы караңыз
Шерине