"Башын кумга катып алган төө куштай эмеспиз". Токаев эмнеге ачууланды?

Казак президенти Касым-Жомарт Токаев улуттук бакубаттык фонду – "Самрук-Казына" компаниясынын башкармасынын төрагасы Нурлан Жакупов жана "Казакстан темир жолу" компаниясынын башчысы Елжас Отыншиевдин кармалышына байланыштуу Коопсуздук кеңешинин чукул жыйынын өткөрдү. Президент бул мамлекеттик компанияларда коррупция күч алып жатканын көрсөткөн өтө олуттуу жагдай деп билдирди. Эки жогорку менежердин аттары аталган коррупциялык иштер кошуна өлкөдө чоң резонанс жаратты.