Чукул кырдаалдар министрлигинен маалымдашкандай, Ош облусунда очогунда күчү 3,5 баллга жеткен жер титирөө катталды. Силкинүүнүн очогу Араван районунун борборунан батышты карай 15 километр, Кызыл-Кыядан түндүк-чыгышты көздөй 32 километр, Ош шаарынан түштүк-батыш тарапка 40 километр алыстыкта жайгашкан. Жер титирөөнүн күчү Араван районунда 3 балл сезилсе, Ош жана Кызыл-Кыя аймагында 1,5-2 балл болду. Алдын ала маалыматтар боюнча жабыр тарткандар жок. (KKs)
