Кечээги шайлоонун баштапкы жана бейрасмий жыйынтыгына караганда, Улуттук партиянын лидери, отставкадагы полковник Олянта Умала 31,8% добуш топтогон. Шайлоонун экинчи айлампасына мурдагы президент, коррупция жана адам укуктарын бузганы үчүн айыпталып, учурда түрмөдө отурган Алберто Фухиморинин кызы Кейко Фухимори да чыкты. Аны шайлоого келгендердин 22,8 пайызы колдогон. Мурдагы премьер-министр Педро Кучински үчүнчү орун алды. Шайлоонун расмий жыйынтыгы бүгүн чыгат деп күтүлүүдө. Ал эми экинчи айлампа 5-июнда болот.
