Өлкөнүн экинчи ири шаары Алепподо 500 чакты студент көчөгө чыкты. Сирияда өткөн айдын орто ченинен бери реформа талап кылган демострациялар өтүп келатат, бирок Алепподо бул алгачкы чыгуулар. Активисттердин айтымында, коопсуздук кызматкерлери Адабият факултетинин жанында студенттер менен кагылышып, демоснтранттарды полиция күч менен таркаткандан кийин, аз дегенде төрт студент камакка алынды. Күбөлөрдүн айтымында, миңдеген аялдар менен балдар шаардын деңиз жээгиндеги кан жолду бууп, ак байрак, зайтундун бутагын булгалап турушту. Соңку күндөрү айрым айылдарда жүздөгөн киши камакка алынган эле.
