Бүгүн Ооганстандын чыгышындагы Пактия провинциясында полициянын машыгуу борборлоруна бир нече жанкечти чабуул жасады. Ооган бийликтери Зазай районундагы полициянын машыктыруу борборуна кеминде үч жанкечти чабуул жасаганын, бир жан кечти өзүн жардырып жибергенин билдиришти. Экинчи жанкечти жок кылынып, үчүнчүсү качып кеткен. Чабуулда үч полициячы окко учуп, экөө жарадар болгон. Талиптер кол салууну алар уюштурганын маалымдашты.
