Өкмөттүн басма сөз кызматы “Азаттыкка” тастыктагандай, бүгүн кечинде премьер-министр Алмазбек Атамбаев эки күндүк иш сапар менен Түркияга барат. Маалыматка ылайык, өкмөт башчы 26-27-апрель күндөрү Түркия президенти Абдуллах Гүл, премьер-министр Режеп Тайып Эрдоган менен жолугушат. Жолугушуу учурунда эки өлкөнүн экономикалык, гуманитардык кызматташуусун арттыруу маселеси талкууга алынмакчы. Мындан сырткары иш сапар алкагында бизнес чөйрөнүн өкүлдөрү менен жолугушуу да белгиленген. (КЕ)