Линктер

ЧУКУЛ КАБАР!
11-Май, 2021 шейшемби, Бишкек убактысы 16:56

М.Турганбаев: Кооптонууга негиз жок


Ички иштер министринин орун басары Мелис Турганбаев коопсуздукту камсыз кылууда күч структураларынын аракеттери тууралуу “Азаттыкка” маек курду

- Парламенттик шайлоодон кийин анын жыйынтыктарына нааразы тараптар митинг жана башка акцияларды уюштурабыз деп кабарлап жатышат. Сиздерде кандай маалымат бар?

М. Турганбаев: Жалпысынан айтканда өлкөдө шайлоо тынч өттү. Эч кандай чыр-чатактар, коомдук тартипти бузуулар болгон жок. Ал эми нааразычылыктар болот деген имиштер айтылып жатат. Бирок бүгүнкү күндө өлкөдө коопсуздук абалы тынч.

- Бирок эл көп чогулган жерлерде жаңжал, тартип бузуу көрүнүштөрдүн орун алышы толук ыктымал эмеспи. Ушундан улам алдын ала кандай чаралар көрүлүп жатат?

М. Турганбаев: Өзүңүздөр билгендей 7-апрелден бери биз милицияны элге жакындаталы, элдик милиция кылалы деп аракеттенип жатабыз. Ошонун бирден-бир жыйынтыгы катары мына онунда элүү миңден ашык элдик кошуун ыктыярдуу түрдө бизге жардам берди. 17-ноябрга чейин коомдук тартипти сактоодо да ушундай тартипте иштейбиз. Ал эми оперативдик маалыматтарды алып караганда, жаңжал же башаламандык болот деген кабарлар жок. Андыктан кооптонууга негиз жок деп ойлойм. Эми бир нерсе болуп кете турган болсо эл менен элди сүйлөштүрүп, маселени тынч жол менен чечүүгө үндөгөн аракеттерди көрөбүз да.

- Сиз азыр Кыргызстандын түштүк аймагында жүргөн экенсиз. Июнь айындагы коогалаң боюнча кылмыш иштерин териштирүү кандай жүрүп жатат? Кандай жыйынтыктар бар?

М. Турганбаев: Мисалы, Жалал-Абад облусу боюнча айта турган болсок, баягы оор кылмыштардын сексендей пайызынын бети ачылган. Издөөдө жүргөн кылмышкерлер бар. Алардын бардыгы изделип, оперативдик иштер жүрүүдө.

- Маегиңизге рахмат.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG