Линктер

ЧУКУЛ КАБАР!
25-октябрь, 2020 жекшемби, Бишкек убактысы 19:53

Бүгүн - Улуу Жеңиш күнү


Бүгүн фашисттик Германиянын үстүнөн болгон Улуу Жеңиштин 65 жылдыгы белгиленүүдө. Бул күнгө байланыштуу Кыргызстандын бардык аймактарында майрамдык иш-чаралар уюштурулуп, согуштун жана тылдын ардагерлерине сый-урмат көрсөтүлүүдө.

Бишкек шаарындагы Улуттук филармонияда шаар жетекчилиги майрамдык концерт уюштуруп, ага 1000 чамалуу согуштун жана тылдын ардагерлерин чакырышты. Майрамдары менен куттуктап аларга он жана беш миң сомдон тапшырылды.

Анын алдында Убактылуу өкмөттүн жетекчиси Роза Отунбаева Улуу Жеңиштин 65 жылдыгына байланыштуу коомчулукка кайрылуу жасады. Анда ал 7-апрелден кийин Кыргызстан дале оор күндөрдү баштан кечирип атканын, коңшу өлкөлөр чек араны жаап салганына байланыштуу бир топ кыйынчылыктар болуп, айдоо-себүү иштерине тоскоол болгонун, жарандык кагылыштарды чыгаруу үчүн көкүтүүлөр да болгонун айтып, жалпы кыргызстандыктарды ушундай кырдаалда бирдиктүү болууга чакырды. Ошондой эле ал, ушундай опурдалдуу мезгилге карабай совет элинин улуу эрдигин эстен чыгарбоого, ардактуу ардагерлерге сый-урмат көрсөтүп, улуу жеңишти майрамдоого чакырды.

УӨ төрайымы Роза Отунбаева бүгүн Орусиянын ордо шаарындагы Улуу Жеңиштин 65 жылдык мааракесине арналган майрамдык салтанатка Кыргызстандын лидери катары катышууда. Бул салтанатка КМШнын лидерлеринен жана КМШ өлкөлөрүнөн жана Батыш ынтымагынан келген согуш ардагерлеринен тышкары башка да эл аралык коомчулук өкүлдөрү катышып жатат.

Бүгүн - Улуу Жеңиш күнү
please wait

No media source currently available

0:00 0:01:05 0:00

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG