Жо Жэксон камеранын алдына кара калпак кийип, чоң кара көз айнек тагынып кайтып келди.
Ушул дүйшөмбүдө ал Лос-Анжелестин жака-белиндеги үйүндө бала-чакасы менен кеңешип-таңашкандан кийин кабарчылардын алдына чыкты. Алды менен уулунун сөөгүн жерге берүү маселеси чечиле электигин билдирди:
- Биз буга али даяр эмеспиз. Бул күтө турган маселелер болуп жатат. Биз Майклдын эмнеден көз жумганын такташыбыз керек.
Өткөн бейшембиде кайтыш болгон поп-жылдызын мамлекет атайын дайындаган адистер союп көрүп, шектүү эч нерсе таба алышкан эмес. Урук-туугандары азыр анын өлүгүн дагы бир жолу сойдурганы жатат.
Жо Жэксон ошондой эле Майклдын үч баласын өздөрү багып алаарын бышыктады:
- Биз балдарды өзүбүз багып, аларга тийиштүү билим беребиз. Бул биздин колдон келет, үй кенен, аларга бардык шартты түзгөнгө шарт бар.
Майкл Жэксондун эки улуу баласынын энеси Дебора Роу балдарын сурап келе электиги айтылууда. Ал эми кичүүсү жалданма энеден төрөлгөн.
Сексенге таяп калган Жо Жэксон аялы Катрин экөө тогуз баланы багып өстүргөн. Жо Жэксон темир иштеткен ишканада кранчы, боксер жана жергиликтүү музыкалык топто гитарист болгон. Балдары менен Жэксон Беш деген топ түзгөн.
Майкл Жэксондун «Мен кичинекейимде иш, иш, иш дегенди гана билчимүн» деп айтканы бар. Атасы балдарын тынымсыз машыктырып, өзүн атам дебей, толук атыман Жозеф деп атагыла деп талап кылган.
Жо Жэксон балдарына кол көтөргөндөн да кайра тарткан эмес. Майклды кейпиң суук деп мазактап, көп ыйлаткан. Майклдын агасы Жермен атасына болушуп, ал балдар менен такай алектенип, аларды көчөнүн жаман таасиринен сактап калган деген.
Кандай болгон күндө да Майклдын атасы кезегинде Жэксон Беш тобун Тотоун үн жазма ишканасы менен келишим түздүрүп, Майкл менен карындашы Жанеттин соло ырчы катары калыптанышына көмөкчү болгон.
Ал эми эки миң бешинчи жылы Майкл жаш балдарга зордукчулук кылган деп айыпталганда, атасы уулун колунан кармап сотко келгенин баары көргөн. Мындай айыптоо Майклдын имиджине катуу сокку урганы менен, эч качан далилденген эмес.
Жо Жэксон уулунун сөөгү жерге бериле электе атактуу ырчы Маршал Томпсон менен бирдикте жаңы үн жаздыруучу компания ачып жаткандыгын жарыялады.
Бул Жэксондун ышкбоздоруна орунсуз көрүндү. Бирок Жэксондордун жакындары алар Майклдын ишин улантып, бүт дүйнөгө чек арасыз музыка жана чексиз махабат тартуулоону колго алып жатышкандыгын айтышууда.
Ушул дүйшөмбүдө ал Лос-Анжелестин жака-белиндеги үйүндө бала-чакасы менен кеңешип-таңашкандан кийин кабарчылардын алдына чыкты. Алды менен уулунун сөөгүн жерге берүү маселеси чечиле электигин билдирди:
- Биз буга али даяр эмеспиз. Бул күтө турган маселелер болуп жатат. Биз Майклдын эмнеден көз жумганын такташыбыз керек.
Өткөн бейшембиде кайтыш болгон поп-жылдызын мамлекет атайын дайындаган адистер союп көрүп, шектүү эч нерсе таба алышкан эмес. Урук-туугандары азыр анын өлүгүн дагы бир жолу сойдурганы жатат.
Жо Жэксон ошондой эле Майклдын үч баласын өздөрү багып алаарын бышыктады:
- Биз балдарды өзүбүз багып, аларга тийиштүү билим беребиз. Бул биздин колдон келет, үй кенен, аларга бардык шартты түзгөнгө шарт бар.
Майкл Жэксондун эки улуу баласынын энеси Дебора Роу балдарын сурап келе электиги айтылууда. Ал эми кичүүсү жалданма энеден төрөлгөн.
Сексенге таяп калган Жо Жэксон аялы Катрин экөө тогуз баланы багып өстүргөн. Жо Жэксон темир иштеткен ишканада кранчы, боксер жана жергиликтүү музыкалык топто гитарист болгон. Балдары менен Жэксон Беш деген топ түзгөн.
Майкл Жэксондун «Мен кичинекейимде иш, иш, иш дегенди гана билчимүн» деп айтканы бар. Атасы балдарын тынымсыз машыктырып, өзүн атам дебей, толук атыман Жозеф деп атагыла деп талап кылган.
Жо Жэксон балдарына кол көтөргөндөн да кайра тарткан эмес. Майклды кейпиң суук деп мазактап, көп ыйлаткан. Майклдын агасы Жермен атасына болушуп, ал балдар менен такай алектенип, аларды көчөнүн жаман таасиринен сактап калган деген.
Кандай болгон күндө да Майклдын атасы кезегинде Жэксон Беш тобун Тотоун үн жазма ишканасы менен келишим түздүрүп, Майкл менен карындашы Жанеттин соло ырчы катары калыптанышына көмөкчү болгон.
Ал эми эки миң бешинчи жылы Майкл жаш балдарга зордукчулук кылган деп айыпталганда, атасы уулун колунан кармап сотко келгенин баары көргөн. Мындай айыптоо Майклдын имиджине катуу сокку урганы менен, эч качан далилденген эмес.
Жо Жэксон уулунун сөөгү жерге бериле электе атактуу ырчы Маршал Томпсон менен бирдикте жаңы үн жаздыруучу компания ачып жаткандыгын жарыялады.
Бул Жэксондун ышкбоздоруна орунсуз көрүндү. Бирок Жэксондордун жакындары алар Майклдын ишин улантып, бүт дүйнөгө чек арасыз музыка жана чексиз махабат тартуулоону колго алып жатышкандыгын айтышууда.
