Жекшемби күнү өлкөдө жергиликтүү бийлик органдары менен улуттук парламенттин төмөнкү палатасына депутаттар шайланды. Аларга добуш бергени шайлоочулардын 85 проценттен ашыгы катышты.
Парламенттин төмөнкү палатасында 63 орун бар, алардын 41ине бир мандаттуу округдардан, калганына партиялык тизме менен шайланат. Жекшемби күнү бирдиктүү республикалык округдан -73, бир мандаттуу округдардан 144 киши депутаттык орунга талапкер болушту.
Шайлоонун өтүшүнө жарым миңден ашуун эл аралык байкоочулар көз салышты. КМШнын миссиясы саясий өнөктүк жакшы деңгээлде уюштурулуп, мыйзамдарга ылайык өткөнүн белгиледи.
Ал эми Европадагы коопсуздук жана кызматташтык уюмунун өкүлдөрү айрым бир дурус жылыштарга карабастан Тажикстандагы шайлоо эл аралык талаптарга жооп бербегенин айтышты. Уюмдун парламенттик ассамблеясынын орунбасар төрагасы Пиа Кристмас-Мёллер жарыя кылган отчетто бардык жерде добуш үкөктөрүнө массалык түрдө жасалма бүллүтөндөр салынганы, тил кат менен эртелеп добуш берген учурлар арбын болгону айтылат.
Ислам кайра жаралуу партиясы шайлоону ачык,таза жана демократиялуу болгон жок билдирди. "Бу жолу шайлоо мурдагыдан дурус болот деп үмүттөнгөн элек,тилекке каршы, жер-жерлердиги бийликтер демократиялуу шайлоого дале даяр эместигин көрсөтүштү",-деп айтты партиянын лидери Мухиддин Кабири.
Бул пикирге социал-демократтар да кошулушту. Алардын төрагасы Рахматилло Зойиров бир катар шайлоо жайларында көп жолу кайталап добуш берилген учурлар катталганын, бардык жерлерде оппозициялык партиялардын байкоочулары кысым-кысмакка кабылганын билдирди.
Коммунисттер, тескерисинче, быйылкы шайлоо мурдагыдан бир топ мыкты деңгээлде өткөнүн, андыктан анын натыйжалары да адилет болорун айтышты.
Партиялык тизме боюнча коммунисттер үчүнчү орунда калышты, исламчылар алардан 0,5 процент көп добуш алышты. Эки партия тең беш проценттик чектен өтүштү, аларга парламенттен бери эле дегенде экиден орун тиери калетсиз. Эң көп добушту, албетте, президент Эмомали Рахмон жетектеген элдик демократиялык партия алды. Бул партиянын талапкерлерин колдоп, шайлоочулардын 72 процентке жакыны добуш берди.
Бир мандаттуу округдардагы добуштардын жыйынтыктары алдыдагы он күн ичинде чыгарылат.
Соңку он жети жылдан бери Тажикстанда өткөн шайлоо өнөктүктөрүнүн бири да эл аралык эрежелерге ылайык деп таанылган жок.
Парламенттин төмөнкү палатасында 63 орун бар, алардын 41ине бир мандаттуу округдардан, калганына партиялык тизме менен шайланат. Жекшемби күнү бирдиктүү республикалык округдан -73, бир мандаттуу округдардан 144 киши депутаттык орунга талапкер болушту.
Шайлоонун өтүшүнө жарым миңден ашуун эл аралык байкоочулар көз салышты. КМШнын миссиясы саясий өнөктүк жакшы деңгээлде уюштурулуп, мыйзамдарга ылайык өткөнүн белгиледи.
Ал эми Европадагы коопсуздук жана кызматташтык уюмунун өкүлдөрү айрым бир дурус жылыштарга карабастан Тажикстандагы шайлоо эл аралык талаптарга жооп бербегенин айтышты. Уюмдун парламенттик ассамблеясынын орунбасар төрагасы Пиа Кристмас-Мёллер жарыя кылган отчетто бардык жерде добуш үкөктөрүнө массалык түрдө жасалма бүллүтөндөр салынганы, тил кат менен эртелеп добуш берген учурлар арбын болгону айтылат.
Ислам кайра жаралуу партиясы шайлоону ачык,таза жана демократиялуу болгон жок билдирди. "Бу жолу шайлоо мурдагыдан дурус болот деп үмүттөнгөн элек,тилекке каршы, жер-жерлердиги бийликтер демократиялуу шайлоого дале даяр эместигин көрсөтүштү",-деп айтты партиянын лидери Мухиддин Кабири.
Бул пикирге социал-демократтар да кошулушту. Алардын төрагасы Рахматилло Зойиров бир катар шайлоо жайларында көп жолу кайталап добуш берилген учурлар катталганын, бардык жерлерде оппозициялык партиялардын байкоочулары кысым-кысмакка кабылганын билдирди.
Коммунисттер, тескерисинче, быйылкы шайлоо мурдагыдан бир топ мыкты деңгээлде өткөнүн, андыктан анын натыйжалары да адилет болорун айтышты.
Партиялык тизме боюнча коммунисттер үчүнчү орунда калышты, исламчылар алардан 0,5 процент көп добуш алышты. Эки партия тең беш проценттик чектен өтүштү, аларга парламенттен бери эле дегенде экиден орун тиери калетсиз. Эң көп добушту, албетте, президент Эмомали Рахмон жетектеген элдик демократиялык партия алды. Бул партиянын талапкерлерин колдоп, шайлоочулардын 72 процентке жакыны добуш берди.
Бир мандаттуу округдардагы добуштардын жыйынтыктары алдыдагы он күн ичинде чыгарылат.
Соңку он жети жылдан бери Тажикстанда өткөн шайлоо өнөктүктөрүнүн бири да эл аралык эрежелерге ылайык деп таанылган жок.
