Советтик Армениядагы катуу жер титирөө 1988-жылы 7-декабрда болгон. Кырсык саналуу мүнөттөрдө өлкөнүн 1% калкынын - 25 миңдей адамдын өмүрүн алган. Зилзала Спитак, Киркован (азыркы Ванадзор), Ленинакан (азыркы Гюмри) калааларын талкалаган. Дал ушул окуядан Советтер Союзу эл аралык жардамга чек арасын ачкан.
Тарых: Армениядагы жер титирөө
1
Гюмри (Ленинакан) – Арменияда Еревандан кийинки экинчи чоң шаар. Бул сүрөт кырсыктан эки жыл мурда тартылган.
2
Кырсыктан кийин чарчап калган баланы кучактап отурган эркек. Гюмри.
3
Гюмридеги бул саат жер титирөө башталганда токтоп калган. Зилзала жумуш учурунда башталган. 1988-жылы 7-декабрь.
4
Совет доорунда курулган үйлөрдүн көбү урандыга айланган.
5
Гюмридеги көп кабаттуу 78 үйдүн алтоо гана бузулган эмес. Сүрөт 1988-жылы 12-декабрда тартылган.
6
Спитак шаарынын көп бөлүгү урандыга айланган.
7
Спитактагы көптөгөн үйлөрдүн пайдубалына доо кеткен. Үйлөр кыйшайып же толук кыйраган. Ушундан кийин ЖМКда курулуш ишинде шалаакылык кеткени тууралуу материалдар пайда болгон. 12-декабрь, 1988-жыл.
8
Жоокерлер Гюмридеги урандыны казып жатат.
9
Жакынын жоготкон адам. Гюмри. 9-декабрь,1988-жыл.
10
ЦК КПССтин башкы катчысы Михаил Горбачев Нью-Йоркко сапарын токтотуп, Арменияга учуп келген. 10-декабрь, 1988-жыл.
11
12
Куткаруучулар каза болгондордун сөөгү салынган табытты көтөрүп баратышат. 23-декабрь, 1988-жыл.
13
Уранды астында тирүү жаткан адамды куткаруу. Гюмри, 12-декабрь, 1988-жыл.
14
Советтик Кыргызстандын жумушчулары Арменияга челекке салынган балыкты жөнөтүүгө камданып жатат. Жардам Гюмридеги аэропортко түшкөн. Аба майдан мурда күнүнө төрт каттамды гана кабыл алса, ошол күндөрү каттамдардын саны 180ге чейин жеткен.
15
12-декабрда Гюмринин аэропортуна жакын жерде советтик аскер самолету кулаган. 78 адам өлгөн. Мындан көп өтпөй Еревандан алыс эмес жерде гуманитардык милдетти аткарган югославиялык борт кыйраган. Жети адам каза тапкан.