Кыргызстандын Тышкы иштер министрлиги Швейцариянын Кран-Монтана курортундагы жарылуудан каза болгондорго байланыштуу көңүл айтты. Мекеме ал жакта жабыркагандардын арасында кыргызстандыктар жок экенин ырастады.1-январга караган түнү чангы курортундагы барлардын биринде тутанган өрт 40тан ашуун адамдын өмүрүн алды. 100дөн көп киши жабыркады. Алардын көбүнүн абалы оор. Учурда каза болгондордун тек-жайын аныктоо иштери башталды.
Кырсык
Ош облусунун Алай районунда окуучу баланын өмүрүн алган жол кырсыгынан кийин Ош–Эркечтам автоунаа жолунда атайын рейд өттү. Жол коопсуздугун көзөмөлдөө кызматы айдоочуларды эрежелерди сактап, этият болууга чакырууда.
