Кырсык

2-май күнү Сузак районунда 3000 бала катышкан “Урааным Манас” кароо-сынагы өтүп жаткан маалда “Хундай Портер” автоунаасы тоодон ылдый жүрүп кетип, андан 30дай мектеп окуучусу жабыркады. Алардын ичинен он сегизи ооруканага жаткырылып, бешөө оор абалда экенин маалым. "Арай көз чарай" программасында окуучулардын массалык  иш-чараларга катышуусу жана балдардын коопсуздугу талкууланат. "Азаттыктын" студиясында билим берүү жана илим министринин орун басары Муратбек Касымалиев, "Манас" театрынын жетекчисинин орун басары Нурбек Талантбеков жана билим берүү боюнча эксперт Асылбек Жооданбеков.

Сузактагы "Манас айтуу" иш-чарасында унаа тебелеп кеткен балдардын арасынан баш сөөгү сынган кызга жана ээги, жаагы жабыркаган эки балага Бишкекте операция жасалды. Дарыгерлер балдардын баарынын абалы туруктуу деп баалашууда.