Линктер

ЧУКУЛ КАБАР!
28-Май, 2024-жыл, шейшемби, Бишкек убактысы 11:03

Бишкекте футзал боюнча "Мурас" турнири өтүп жатат


"Президенттин администрациясы" жана "Жогорку Кеңеш" командаларынын ортосундагы беттеш.
"Президенттин администрациясы" жана "Жогорку Кеңеш" командаларынын ортосундагы беттеш.

4-майда Бишкекте футзал боюнча "Мурас" турнири башталды. Ага мамлекеттик органдардын, маданият ишмерлеринин, ишкерлердин, журналисттердин жана башка топтордун 12 командасы катышууда.

Турнирдин башындагы "Президенттин администрациясы" жана "Жогорку Кеңеш" командаларынын беттеши 4:1 эсебинде аяктады. Эки голду мамлекет башчысы Садыр Жапаров киргизди.

Кыргыз футбол бирикмеси жана президенттин администрациясы уюштурган турнир 5-майда жыйынтыкталат.

Ага төмөнкү командалар катышууда:

  • “Президенттин администрациясы” - Садыр Жапаров баштаган президенттик администрациянын кызматкерлери;
  • “Өнөр” - Маданият ишмерлери;
  • “Бизнес” - ишкерлер;
  • “Журналисттер” - маалымат каражаттарынын өкүлдөрү;
  • “Алга” - футбол ардагерлери;
  • “Спорттук федерациялар” - Спорттук федерациялардын жетекчилери;
  • “Жогорку Кеңеш” - парламенттин депутаттары;
  • "Аймактар" - президенттин облустардагы ыйгарым укуктуу өкүлдөрү, шаар мэрлери, район акимдери;
  • “Ыйман” - муфтий баштаган дин өкүлдөрү;
  • “Элчилер” - чет мамлекеттердин Кыргызстандагы элчилери;
  • "Ден соолук" - дарыгерлер;
  • “Билим” -жогорку окуу жайлардын ректорлору жана мектеп директорлору.

Турнирди КТРК, КТРК Спорт телеканалдары түз эфирде көрсөтүүдө.

2021-жылдын 17-декабрында кыргыз футболунун 100 жылдыгына арналган мелдештер өткөн. Анда биринчи орунду маданият ишмерлеринин “Өнөр” командасы, экинчи орунду футбол ардагерлеринин “Алга”, үчүнчү орунду президенттин администрациясы ээлеген. (SE)

Facebook шеринеси

XS
SM
MD
LG