Ишкерлик жанданды, эреже сакталган жок
Өкмөттүн чечими менен 1-майдан тарта Кыргызстанда ишкердиктин бир катар түрлөрү жанданды. Өкмөт экономикалык ишмердүүлүктү үч баскыч менен жандандырууну пландап жатат. Премьер-министр Мухаммедкалый Абылгазиев 1-майдан тартып 20 миңге жакын ишкердик субъекти кыймылга келип, аларда иштеген 130 миңге чукул адам жумушка чыгарын билдирген. Жалпысынан тогуз тармакка иштегенге уруксат берилет.