Дональд Трамп АКШнын 45-президенти болуп шайланды. Анын жашоосунун урунттуу учурлары сүрөттөрдө.
Дональд Трамп: бизнес жана экрандагы жашоо
1
Дональд Трамп 1946-жылы, оокаттуу үй-бүлөдө туулган.
2
Трамп (солдо) - үй-бүлөдөгү беш баланын төртүнчүсү. Анын атасы Тред Трамп ньюйорктук ийгиликтүү үй куруучу болгон. Уулу бизнесин түптөп жатканда миллиондорду атасынан алган.
3
Трамптын Нью-Йорктогу аскер академиясында окуп жүргөн кези.
4
Уортон бизнес мектебинин бүтүрүү кечесинде. Дональд Трамп атасы менен. 1968-жыл.
5
1977-жылы Трамп Чехославакиядан келген Иванка Зельничковага үйлөнгөн. Сүрөт 1989-жылы, ажырашууга аз калганда тартылган. Бул никеден үч бала төрөлгөн: Эрик, Иванка жана кичүү Дональд Трамп.
6
1993-жылы Трамп актриса жана модел Марле Мейплска үйлөнгөн.
7
Трамп жана Марла Мейплс кызы Тиффани менен. 1995-жыл. 1999-жылы жубайлар ажырашып кеткен.
8
1996-жылы Трамп "Аалам сулуусу" сынагынын ээси болгон. Ошол жылы титулду жеңип алган Алисия Мачадо кийин "Трамп мени мазактады" деп айыптап чыккан.
9
Трамп эл аралык мейманканасы менен Лас-Вегастагы мунаранын пайдубалына таш коюп жатат. 2005-жыл.
10
Трамп продюсер Марк Бернет менен. 2004-жыл. Трамп "Кандидат" реалити-шоусунун аркасында "жылдыз" болуп чыга келген. Шоу 14 сезон бою уланган.
11
Трамптын "Кантип бай болуу керек" деген китеби 2004-жылы жарык көргөн. Ага чейинки "Келишим искусствосу" китеби бестселлерге айланып, Трамптын атагын алыска тааныткан.
12
2005-жылы Трамп словениялык модел Мелания Кнаусска үйлөнгөн. 2006-жылы алардын уулу Баррон төрөлгөн.
13
Баррон атасынын Голливуддагы жылдызынын үстүндө ойноп жатат. Лос-Анжелес, 2007-жыл.
14
Trump International Hotel мейманкасынын жана Чикагодогу мунаранын курулушунун жанында. 2006-жыл.
15
Атлантик-Ситидеги Taj Mahal казиносу Трамптын банкрот болуу мыйзамына ылайык коргоо сурап кайрылган компанияларынын катарында болгон.
16
Трамп 2011-жылы Флоридада өткөн "Чай ичүү" кыймылынын жүрүшүндө. Республикалык партиянын ультраконсервативдүү фракциясына кайрылуусунда ал Барак Обаманын дарегине сын жаадырган. Андан кийин "Барак Обама АКШда төрөлгөнбү?" деген ураан астында кампания баштаган.
17
Трамп Республикалык партиянын атынан президенттикке талапкер болуу номинациясын алууда. Кливленд, Огайо, 21-июль, 2016-жыл.
18
Кампания учурунда бир нече аял Трампка каршы чыгып, аны сексуалдык зомбулукка айыптаган. Трамп бул калп экенин билдирип, президенттик жарыш бүтөрү менен аларды сотко берерин айткан.
19
Дональд жана Мелания Трамп президенттик шайлоодо добуш берүүдө. Нью-Йорк, 8 ноябрь, 2016-жыл.