Линктер

ЧУКУЛ КАБАР!
22-Май, 2022 жекшемби, Бишкек убактысы 19:54

Бакиев доорундагы азилдерден


Кыргызстан - саясий анекдоттор арбын айтылган өлкө. Мурдагы президенттер да эл оозунда азил бутасына айланып келет. Курманбек Бакиев тууралуу азилдерден.

* * * * *

Кыргызстандын КГБсы бир малчыны жакалайт.

- Сиз президентке шек келтирдиңиз!

- Кантип, Мен аны өмүрүмдө көргөн эмесмин!

- Сиз кечээ аялыңызга элдин көзүнчө "тезек тербей куруп кет!" деп айттыңыз.


* * * * *

Кыргызстан менен Украина мунайзат үчүн карызын учурунда төлөбөсө, анда алардагы демократия өчүрүлөт.

(Кремлдин кире беришиндеги жазуу).

* * * * *

Кыргызстандын президенти Бакиев айтат дейт:

- Мен Акайычка окшоп аялымды укпайм. Бийликке келгенде ошентип убада да бергем. Ошончо көп аялымды уксам Кыргызстан түтөбү?

Бирок жок дегенде бир туугандарым менен уулдарымды угайын да!

* * * * *

Жаныш Бакиевге айтышыптыр дейт:

- Генерал экениңиз жалган го? "Келип колго түшөм" деп кесиптештерге убада кылып, анан качып кеткениңиз кандай?
- Эми мындан ары "самопал генерал" эмне экенин биле жүрөсүңөр.

* * * * *

Кыргызстандын президенти Бакиев айтат дейт:

- Мен эч бир акчаны уурдап же катып алган жокмун. Келген каражаттын баарын 6-класстан бери ишкердик кылган таланттуу уулум Максимге, Максимге, Максимге бергиле дей бердим.

* * * * *

Бакиевдин тушунда жаңы шахмат оюнун ойлоп табышты.

- Мунун башкалардан айырмасы эмне?

- Реалдуулукка жакын! - дептир бир көшөкөрү.

- Ой тоу-бо-о! Эмнеси менен жакын?

- Мурда бир тарапта бир падыша, бир каныша гана болсо, эми оюнду татаалдатып, бир падыша, эки каныша, анан көмүскөдө (берки канышалар жок болуп калса деп) эки сулууну киргизип атабыз.


* * * * *

Ар кыл булактардан.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG