"Азаттыктын" казак кызматынын журналисттери 8-февралда Жамбыл облусундагы Масанчы айылына барышты. Казак бийлиги бул айылда жума күнү түндө чыр чыкканын билдирген. Кабарчылар көптөгөн үйлөрдү, дүкөндөр күйүп кеткенин тартып алган.
Масанчинин чырдан кийинки абалы
1
Кабарчылар Масанчыга айланма жол менен барууга аргасыз болгон. Учурда айылга кирчү негизги жолдо күч органдарынын блокпосттору турат.
2
Кабарчылардын билдиришинче, блокпост Карасу аймагында турат. Ишембиге оогон түнү бул жердеги көпүрөдөн ондон ашуун адам өтүүгө аракет кылган. Күч органдары алардын өтүп кетүүсүнө жол берген эмес.
3
Жабыркагандар жана чыгым тууралуу азырынча расмий маалымат жок. Казак бийлиги жума күнү чыр-чатак жөнгө салынганын билдирген.
4
Масанчынын көчөсүндө жүргөн күч органдарынын адамдары.
5
Полиция мындан мурда Масанчыда мушташ болгонун кабарлаганы менен анын себебин атаган эмес. Казак президенти Касым-Жомарт Токаев 7-февралдын түнү "Твиттердеги" баракчасына чагымчылар жапырт мушташтан пайдалангысы келгенин билдирди.
6
Жума күнү мессенжерлерде тараган видеодо айылдагы үй-жайлар күйүп жатканын көрүүгө болот.
7
Социалдык тармакта таш жана таяк кармаган ондогон жаштар айылда кыйкырып жүргөнүн көрүүгө болот. Бул видео чындап эле Кордайда тартылганын тактоо азырынча мүмкүн боло элек.
8
Масанчы айылынын калкы 2009-жылкы санактын эсеби боюнча 13 миң адамды түзгөн. Айыл Кыргызстандын чек арасына жакын жайгашкан.
9
Айылдын тургундарын негизинен дунгандар түзөт.
10
