Онлайн шерине
Кыргызстанда президенттик шайлоого талапкер көрсөтүү дээрлик соңуна чыкты. Ушул тапта 11 адам арыз берди. Жапаров кимдерге эскертүү берди. Орусия жана Украина Абу-Дабидеги үч тараптуу сүйлөшүүлөрдө туткун алмашууну гана макулдашты.
Орусия жана Украина Абу-Дабидеги үч тараптуу сүйлөшүүлөрдө туткун алмашуу тууралуу макулдашты. Байкоочулар мындан башка олуттуу алга жылуу байкалбаганын белгилешет. Москва, Киев жана Вашингтондун өкүлдөрү акыркы ирет мындан тогуз ай мурун жолугушкан.
“Көз алдыма балдарым келип жатат” деген Алибек Орусиядан “Азаттыкка” WhatsApp аркылуу байланышка чыкты. Ал “тылда иштейсиң” деген убадага ишенип, келишим түзгөнүн, эми фронтко жөнөтүлүү алдында турганын айтты. Соңку маалда мындай кабары менен “Азаттыкка” кайрылгандар көбөйдү.
Борбор Азияда президентке күйөө бала болуу чоң артыкчылык. Мындай макам саясатка таасир этүүгө, экономикада бүтүндөй тармакты көзөмөлдөөгө, ал тургай жоопкерчиликтен корголууга мүмкүнчүлүк ачат. Бирок күйөө балдардын таасири түбөлүктүү эмес.
Өзгөчө кырдаалдар министрлиги 14 жаштагы Амир Кунакуновдун өлүмү боюнча министрлик “моралдык күнөөсүн сезерин” журналисттерге билдирди. 7-ноябрдан бери Ала-Арча капчыгайында Амирдин сөөгү 9-ноябрда табылган. 10-ноябрда Бишкекте анын тажыясы өтүп, жерге берилди.
7-ноябрдан бери Ала-Арча капчыгайында изделип жаткан 14 жаштагы Амир Кунакуновдун сөөгү 9-ноябрда табылды. Ал жалгыз тоодо адашып калганы тууралуу Өзгөчө кырдаалдар министрлигине кабар берген. Андан бери белгисиз болуп жаткан өспүрүмдүн сөөгү Электро чокусунда табылды.
Кыргызстандагы эң ири үч көл: Ысык-Көл, Соң-Көл жана Чатыр-Көлдүн экосистемасы соңку жылдары болуп көрбөгөндөй өзгөрдү. Климаттын өзгөрүшү, кургакчылык, мөңгүлөрдүн азайышынан улам көлдөргө куйган ондогон өзөн соолуп калды. Мунун айынан жээктери 10-20 метрге чейин тартылып кеткен.
Орусияда адамдарды Украинадагы согушка тартуу иши барган сайын жеке компаниялар жана ортомчулар аркылуу жүрүүдө. Мындай жол менен жалдангандар көбүнчө мыйзамдык көзөмөлү бүдөмүк шарттарга тушугуп, анын кесепети оор болуп жатат.
Сот аткаруучулар кызматынын жетекчисинин мурдагы орун басары, маркум Кубанычбек Капаловдун жакындары анын өлүмүнө байланыштуу иштин адилет тергелишин суранууда. Алар тергөөдө айрым жагдайлар ачыкталбай, күмөндүү учурлар көп болуп жатканын айтып, өлкө жетекчилигине жана "Азаттыкка" кайрылышты.
Саясатчы, Кемпир-Абад ишине байланыштуу кармалып, кийин соттон акталган Бектур Асанов Кыргызстанда 2027-жылы январда өтө турган президенттик шайлоого талапкерлигин коёрун билдирди.
3-ноябрь күнү Манас шаарында Элистан Токтогуловдун жакындары чогулуп, бийликке кайрылды. Алар 21 жаштагы Элистан эки апта мурда Кыргызстандан ортомчуларга алданып, азыр эми Орусияда согушка жиберилип жатканын айтышты.
Дагы жүктөңүз
